1.責任何在?
如果妳話我聽，因為我唔靚仔，所以唔可以做戲，妳唔應該話我聽！
因為唔關我事，我唔應該負呢個責任，妳應該同我父母講，系佢哋搞成我咁嘅。如果妳要罰，應該罰佢哋。
以後，邊個醜樣，就罰佢爸爸媽媽唔準做戲！或者剩系做茄呢啡！
我唔系壹個唔負責任嘅人，為佐我爸爸媽媽嗰短短壹剎嘅快感，我已經負責負咗廿幾年。妳估做我好易做啊？
我細個讀書唔好，或者唔合格，我冇要父母負責。我自己簽曬啲成績表嘅。
每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！
我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。
反而系我調番轉頭，提醒佢哋：妳哋要搵錢啊，積谷防饑啊，唔系第日老來無依無靠啊！
乜嘢都系我！
2.男仔唔駛靚仔
靚仔系唔系真系甘重要呀?
有啲人話男人唔駛靚仔嘅,有才華咪得羅.
系,妳有冇試過帶妳既才華去落disco識女仔呀?
人地啲靚仔壹行入去,唔洗二十分鐘,就已經同啲女仔互相問問題:
[妳度定我度?]
我帶住我既才華入到去,幾難先搵到個女仔肯比個機會我.
唔系比機會我交換問題,而系比機會我天才表演.
唱歌跳舞做話劇講大話功夫表演,成套歡樂今宵壹個人做壹次......
3.演戲天份
我從小就知道,我系壹個偉大既演員.
人地細個成班細路群埋,鐘意玩扮結婚,扮爸爸媽媽.
我細個,就鐘意扮奸夫淫婦.
但系唔知系咪我個樣比較老實,我系從來都無機會扮奸夫.
每次我都系扮淫婦......嘅老公.
雖然系咁,雖然,我亦都系全班人之中最細個個.
但系我已經可以將壹個妒忌嘅男人心態表現得淋漓盡至.
當然,我的朋友個個都贊我,話我天生出黎,就系戴綠帽嘅.
4.死亡
細個個陣,我系唔怕死既.
我覺得,系以前啲人先會死既.
只系歷史書裏面嘅人先至會死.
好多人唔明歷史有咩用,歷史咪話妳聽邊啲人死左羅.
我從來未睇過壹本歷史書有提到黃子華呢個名,我點會死呀.
最緊要系,就算死都唔系乜野壹回事.
細個個陣隔離陳師奶成日叫佢老公:[咁多人去死妳仲唔去死?]
然後去完番黎,阿陳師奶又會話:[死番黎勒,唔死多陣添?]
所以我壹路都認為,去死,即系去街,同埋壹定唔會去好遠.
因為阿陳生每次都好快就返黎嘅.
5.改名
改名,只系的父母系將自己嘅主觀意願套系的仔女身上.
所以大部份女仔唔系叫美嘜就系麗嘜.
男仔唔系叫阿堅,就系阿強,壹唔系就叫阿祥.
咁我地系米好美麗,好堅好強好長呢?
6.黑白不明
我非常欣賞鄧小平既「黑貓白貓,捉到老鼠就是好貓.-普通話」
我老友阿雄個老婆生仔,生佐個黑人出黎,我都系咁對佢講: 「黑仔,白仔,快高長大就系妳個仔啦!」
7.失戀
失戀系會令人成長嘅。我失戀之前，壹向都覺得世界上所有問題都有答案。
點解我哋每日都要8點鐘起身返工啊？因為夠鐘啰！
點解我哋有夠鐘呢樣嘢啊？因為我哋唔用浮動上班時間啰。
點解呢個世界有戰爭？因為我哋有武器羅。
咁點解我哋要有武器啊？因為佢哋有武器啰。
壹切都有答案，直到我失戀。
阿珍，點解妳唔愛我？阿珍俾咗壹個經典嘅答覆我，佢話：“愛情系冇點解嘎，系唔可以解釋嘎，唔好問啦。”（記緊呢句啦）
如果番學阿sir問我嘢都可以咁答就好啦！“黃子華，物體燃燒點解需要氧氣啊？”
“阿sir，系冇點解嘎，系唔可以解釋嘎，唔好問我啦！”
8.紅館
依家做歌星，好犀利，因為有紅磡體育館。
因為呢樣嘢，做歌星，可以喺壹晚，就賺曬妳哋朝九晚五壹世人都搵唔到嘅錢啦！
啲人話，我真系唔明張國榮點解要退休，（點解？）
佢壹晚已經搵咗妳壹世搵嘅嘢，佢壹晚已經做咗妳壹世人要做嘅嘢，仲有乜嘢可以做啊？唔退休做乜？做五場，已經輪回五次！做三十場，輪回三十次，如來佛祖都話：使唔使？
啲人話，唔系嘅，佢唔舍得退休嘅！佢最後嗰場演唱會，佢自己都喊嘎。
佢系喊，不過唔系為自己喊，系為咗妳哋喊啊：“我就退休啦，我聽日就唔使DO啦，妳哋聽日仲要番九點，唔好遲到啊！！”
9.十八歲
點解十八歲先至系合法年齡呢?
因為到咗十八歲,系法律上我地就要對自己負責任
多餘,唔通十八歲之前,我地就唔洗對自己負責咩?
唔通十八歲之前,我就可以隨時撲出馬路:[我唔信呀,我17歲半咋,妳敢撞死我?]
唔通十八歲之前我系油麻地踩完個紋身佬壹腳,個紋身佬會話: [死靚仔,妳未夠十八歲,我忍妳!]
[唉,十八歲既最大好處,就系妳到咗壹個合法既做愛年齡.]
我想請問,有邊個做愛系因為合法先做架.
我以為大部份人做愛系為佐快感同高潮?
抑或妳想話我聽,十八歲之前做愛系冇高潮嘅.
十八歲之前做愛系白做嘅!
咁樣十八歲就具有特別意義嘞!
10.白雪公主
白雪公主，幾咁純潔無瑕。
但系諗真啲，白雪公主，識得嗰個系王子；
灰姑娘識嗰個又系王子；
有個有特殊嘗好，鐘意錫青蛙嘅女人錫咗只青蛙壹啖，只青蛙變出嚟嘅又系王子！
有冇人諗過根本個王子系同壹個人呢？根本呢個王子都不知幾花心，周圍溝女,仲無良到扮青蛙去溝添！
11.性
聖人話:“食色性也！”食同色，好唔同！
壹個人無論幾鐘意食，會唔會比幾十蚊入戲院睇套“蒸氣騰騰小龍包”？
壹個人無論幾鐘意食，又會唔會為咗望壹舊冇包住嘅牛肉望到俾車撞？
12.新鮮
依家啲人溝女，對絳女最大嘅要求系乜啊？唔系靚，最緊要，系夠新鮮！
乜嘢叫做夠新鮮啊？就系話，溝咗壹年嗰個，就唔夠溝咗半年嗰個咁正。
因為半年嗰個新相識，新鮮啲。
同樣，溝咗半年嗰個，就唔夠三個月咁正。
溝咗壹個月就唔夠半個月嗰個咁正。
溝咗壹日就唔夠半日嗰個正，如此類推，終於……溝咗嗰件，就唔夠未溝嗰件咁正！
咁即系點呢？仲溝唔溝好呢？壹溝就唔正？！
13.老豆
我壹向以為老豆，系option嚟嘅，附加嘎咋。
無錯，大部份人系有老豆嘅，就正等於大部份嘅車系有收音機壹樣。
但系嗰樣系option嚟咋嘛，唔系架架車都有。
所以我細個嗰陣好憎啲儬仔成日喺我面前話：“我老豆點點點……”
我覺得嗰啲人好曬命，就好似妳有部車，不停咁同人講：“我部車開蓬嘎，大包圍嘎！”
妳不如話：“妳老豆開蓬嘎，用無鉛汽油嘎……”
14.兒童教育
我壹向都認為，我哋成日呃啲細路仔，懶系nice咁對佢哋，講到呢個世界乜嘢都好好咁，咁系唔啱嘅。（何解？）
細個我同媽媽搭飛機，睇見廁所嘅水系藍色，我未見過，咪走去問媽媽嗰啲系乜？媽媽話：“系天空。”所以我就成為世界上第壹個食過天空嘅人。
細個啲大人成日講童話講白雪公主。（妳都聽過啦）佢哋講嘅就系白雪公主又靚又好人，好值得去追求。
但系冇講到我哋唔系白馬王子！邊個人至系白馬王子啊？起碼有只白馬啦。咁就即系馬主啦，妳話系唔系啊？
講啲唔講啲好危險嘎。即系等如妳同個細路仔講：“小明啊，飛出窗口好過癮嘅，成個香港望曬嘎，浮下浮下……”但系唔同佢講：“不過妳落到地下個陣，會快過搭電梯好多！”
15．豬扒
如果妳系壹件豬扒，咁妳基本上系唔使減肥啰～
壹件豬扒，減咗肥，就系壹件瘦扒，壹件瘦扒就系比豬扒更唔開胃嘅扒，系咪？
妳買叉燒都唔要嗰啲啦。
16.失業
妳都唔知點同妳阿媽解釋
以前失業系因為妳比老板炒，而家失業是因為妳老板比人炒。
17.智慧
我個人認為我本人是智慧型的。
妳不信啊？咁我就說D妳仲意的。
18.偉大發現
我壹向覺得,人類既歷史上最偉大既三大發現分別系:
第壹,牛頓發現地心吸力.
第二,愛恩思坦發現相對論.
第三,就系唔知邊本雜誌發現自慰對人體無害.
19.鬼佬
鬼佬又唔會壹邊睇戲壹邊講野!
妳睇嚇D香港人去睇戲,銀幕上D人講幾多,銀幕下就講幾多.
妳唔知仲以為距地系度配緊音. 重要系講D最隱秘既家事,妳大佬點樣謀妳, 妳奶奶最錫阿二嫂...
我點能夠同時處理甘多劇情嗻?
鬼佬就唔同,鬼佬唔講野嘅,就算講,人地系用英文講!
英文系偉大嘎嘛!英文系偉大到,基本上,妳識得英文,就代表妳有知識.
妳見好多阿媽都系咁噶:阿仔,妳識英文,妳幫我睇嚇個會計呢條數點計出來既?阿仔,妳識英文,聽嚇個摩羅差講緊乜啊?唉,算喇,妳剩系識英文,咁幫我整返部洗衣機啦!
20.詛咒
我系唔相信詛咒可以殺死人，除非妳面對面同佢講三日三夜“妳仲唔死……妳仲唔死……妳仲唔死……”
21.讀書
我讀咁多年書，從來冇壹個老師話過俾我聽，讀書系為乜。
但系我自己識諗，我終於想通：讀書系為咗升班。
但系後來有個阿SIR同我哋班同學講咗句嘢，又令我再諗過。
有壹日，佢同我地講：「妳地成班都唔掂，不如妳地成班申請留班讀好啲書啦！」
我讀書系為咗升班，依家留班系為左讀好D書....？
22.世界和平
呢個世界，乜嘢國家地域主權，其實同去廁所冇分別。
甲：餵，邊個喺裏面呀，出嚟啦。
乙：我嚟先架！
甲：餵，俾我入嚟丫，壹齊丫。
乙：黐線！用廁所都有得壹齊？
冇錯，如果人類可以習慣壹齊用壹個廁所，呢個世界就唔會打仗。
啊~~ 妳要入嚟呀？等等，我坐過啲，妳坐前面，屙唔屙到？
23.打交
由細到大我都真是好少同人打交……
因為我認為，妳壹睇果個人，妳壹睇距個樣啊，就好打過妳嘅，感妳無謂同距打吖；
而，壹睇距個樣都唔夠妳打嘅，距都仲要同妳打……咁佢肯定系有秘密武器啦！
24.負家產
嗱~~ 大家搞清楚，幢樓系人哋嘅，系叫負資產，好斯文架！
幢樓系自己嘅，就叫負家產！
「妳幢負資產點呀？」
「冇提啦！負家產！」
問題系，各位，依家由98年開始，我哋同呢個負家產系咁生活，相處咗5、6年喇，妳等佢開始真系對佢懷住壹種感情喺度，佢真系成為咗妳嘅家喎，咁各位，妳而家就明白乜嘢叫做真正嘅“駝衰家”喇。
我哋負家產嘅家就系全世界最眼冤嘅“駝衰家”！
妳而家先至明白，原來所謂咩“破碎家庭”系幾咁幸福呀。壹個“破碎家庭”通常講緊壹個爛賭嘅老竇，壹個吸毒嘅細佬咋嘛，壹兩個駝衰家。
我哋啲負家產，壹家都系駝衰家。個廚房又駝衰家，個廁所又駝衰家，我覺得最駝衰家系嗰幾個奀挑鬼命嘅窗臺！所以系呀，
我系刻薄嗰幾個窗臺，我唔買窗簾布架，曬佢啦！駝衰家！
我打麻雀，打輸麻雀番嚟咪踹個地下羅，駝衰家！樓下叫我唔好踹，我同佢講，我啲家事關妳鬼事呀！
系丫，我而家系捏個墻角，妳睇住我捏佢吖，妳報警呀！
25.結構性轉型
有壹日，妳男友同妳講，「分手啦！」
妳會話：「今次又咩事呀？」
妳男朋友就會更正妳喇，有啲唔同，今次.. 上壹次..下壹次.. 嗰啲壹般嘅離離合合，即系每三日講壹次嗰啲，，嗰啲系叫做“周期性分手”。我哋今次系“結構性分手”，由於今次嘅分手系結構性嘅，我願意壹次過俾多啲掟煲費俾妳。
如果妳肯參與呢個自願性分手計劃，我可以再加多3個percent。OK.... 唔同呀！呢次冇得傾，冇得再喺埋壹齊架啦，除非.... 妳能夠作出結構性轉型....隆胸。隆胸點講都算系壹種結構性轉型呀！
當壹個社會出現壹樣嘢叫“結構性失業”，即系話俾妳聽，呢個社會嘅本質基本上系：寡情薄幸，趙完松！
而家系好嚴重，有啲人長期失業到呢個地步，好耐搵到工，佢就考慮自殺，冇曬信心做人。我認為呢啲朋友，如果妳真系諗到要行呢壹步，妳真系要問下自己，妳願唔願作出結構性轉型先？
女仕，我講咗喇，妳要隆胸，我唔系講笑，妳隆胸，真系幫到妳搵到工。我唔請人，但如果妳話妳隆咗胸，我都想見下妳。再填履歴，三只字：“隆了胸”。我包妳有面試。
（經理：）「隆了胸？叫佢入嚟.......」
「小姐，妳又話隆了胸？好似唔系好覺嘅點解？.....」
（小姐：）「哦~~ 唔系，經理，我哋哈佛畢業嘅，系唔可以太誇張嘅。」
男仕們，妳結構邊部份要轉型呀？
冇錯！妳何B！
做藝人做到何守信算系咁啦，我哋最緊張嗰部份改咗妳個名呀，幾鬼尊敬妳。我都期望第日，過幾年啲阿爸教仔踢波：「人哋射死球，最緊要扲住阿子華呀！」.... 「妳咪俾人拉西拉親阿子華呀！」嘩~~~ 咁就驕傲呀！但今時今日，仲系何B叻啲。
我哋中國人素來有呢種傳統，每壹個朝代大量人失業嘅時候.... 結構性轉型....做太監。有好多後嚟做咗CEO架。而事實上，太監系令人成熟得最快嘅行業嚟架啦，壹剎那之前妳仲系壹個靚仔，壹剎那之後，妳就系公公啦！..........
26.人壽保險從業員
我唔知妳地點，我每次見完呢D賣保險既人呢，我都會幫佢買份保險，好合作！
因為我每次見完佢地，我都真系覺得命都短幾年嘎。因為佢地講野呢唔系壹般人果種邏輯嘎！
妳同佢講“餵，唔系呢，陳生，我呢幾個月呢，呢幾個月都完全無時間嘎！”
“哦，唔緊要，妳今晚有無半個鐘啊？”
“唔系啊，遮系我有朋友做保險嘎，我幫佢買左份保險嘎了。”
“哦，唔緊要，我唔介意嘎～”
“妳明唔明啊？我全屋都系做保險嘎，全家人都系賣保險嘎！”
“系啊，依家好多人做保險嘎！”
妳無辦法講得佢地明嘎！
27.讀得書少
我反而好欣賞李小龍另外壹句說話，對我影響就真系好大喇，喺精武門臨死之前佢講過壹句說話佢就系話：我讀得書少，（握拳伸出食指在面前劃幾下，壹個李小龍的經典動作)妳唔好呃我!
我細個最怕就系讀得書少咖喇啊嘛，阿sir壹問：妳讀過書未？嘿……讀咗讀咗，原來讀得書少都可以咁有型咖？
喔，以後就唔同啰，壹到考試，“我讀得書少，阿sir，妳唔好考我!”
生活任何壹方面都啱用嘅，“我讀得書少，（握拳伸出食指在面前劃幾下，壹個李小龍的經典動作)妳唔好呃我!啲橙點賣啊？”
我亦都希望我哋嘅人大代表上去上面開會嘅時候，開開嚇會突然間有個走上張臺度話“我讀得書少，（握拳伸出食指在面前劃幾下，壹個李小龍的經典動作)妳唔好呃我!壹小撮人即系幾多人啊？”
28.養狗
我養狗，我有罪，還養了超過35CM高的,我對不起黨，對不起全國人民，我破壞了和諧社會,影響了國家的安定繁榮
29.開心
唔知點解唔開心,最令妳唔開心既系明明妳本來系好開心
妳唔明點解花左大半日建立起黎嘅開心會無啦啦變左唔開心,所以妳好唔開心.
30.食物鏈
人的食物鏈簡單好多,系分開三層嘅,最低層系無產,中層系中產,頂層系含家產....絕無不敬成份嘅各位,因為啲頂層嘅人其又真系其屋企唔系田產房產就系遺產,真系含家都系財產.所以我地有時叫含家產叫乜野?...含家富貴!
31.爆 字
第二個字需要學嘅系個爆字.以前...我地識得最勁果嗰字就系勁,無字勁得過勁啦,系米?除咗勁勁,嗱,好有文學修養嘅呢啲,有乜字勁得過勁?勁勁勁.依家我地知道唔系,系個爆字.OK?
32.競步
競步系邊個發明架?shila chen..陳師奶,好明顯系幾時發明架?追緊巴士....
「阿二嫂等埋啊二嫂」
「跑緊啦,成世人跑緊最快就依家啦.」
妳留意睇清楚多壹次呢個奧運項目.有乜問題?...犯咗規,點解犯咗規?腳跟離地..腳跟離地有乜問題?太快.腳跟離地即系跑.競步嘅精神就系:我知道妳可以快,但系我唔俾妳快,我知道妳識跑,但系我唔俾妳跑.
33.體操
依家奧運有個項目叫做團體藝術體操.好犀利,有扔絲帶啦,又拋保齡球樽啦,又呼拉圈啦咁樣啦....其地唔使齊噶喔!?我唔知其地點計分的.呢兩條友系度揮絲帶,果兩條友又系度拋樽,呢個又自己系度玩呼拉圈.妳做乜鬼嘢著我睇咗好耐,我終於要明白,根本呢個唔系咩體操.系練緊傳真七寺嘅天功北鬥陣....
「哈,妳入咗我地尼個陣,妳仲想走返出去?師弟...拋樽!來,呼拉圈,嗡嗡嗡...」
咁尼個裁判系應該企系其地中間.
「哼!妳可以走返出去就當我地輸...」
34.馬拉松
畸形嘅嘢但我地接受好正常,但依家我覺得好正常嘅嘢啲人就話畸形...啲人話膽類固醇,用禁藥系唔公平.我就覺得...各位,妳叫我地城市人同壹個非洲人跑馬拉松公唔公平?嗰非洲人去壹次7-11 12公裏半個馬拉松,妳仲要同其講:「阿嚤嚓嚓,妳去開7-11,妳幫我去咕嚕咕嚕買盒叉燒飯返黎.」24公裏壹個馬拉松.得,阿嚤嚓嚓仲要黎到7-11:「Oh~Shit!唔記得帶錢」兩個馬拉松...妳要我地同非洲人跑,要公平,OK,Fine!非洲人就齋跑,我地就膽類固醇,再津貼300文搭的士.
35.足球
大家知唔知足球系幾刺激嘅壹樣嘢,因為足球刺激在乜呢？上半場45分鐘、中場休息15分鐘、下半場45分鐘、加時30分鐘...可以壹球都唔入.好刺激!我成日睇足球睇睇下以為自己睇緊乒乓球.嘀.噠.嘀.噠...無入球嘅點解?啊,系喔,乒乓球系無入球架.點解足球咁好睇,足球好好睇就因為其可能會好難睇,所以妳會期望其下壹場會好好睇睇,而其又真系好難睇妳就更加期望其壹場真系會好好睇睇,妳直情飛埋去現場去睇,然後果然嗰結果系杜琪峰電影0比0以和為貴!
36.化妝
人類最奇妙嘅系咩呢,就系男女關系.因為,大家都知啦,自古以來男人就最中意就系講大話啦.而女人,就挪正牌講大話啦.乜嘢叫做化妝?化妝就系妳個樣講大話.....女士們,妳要搞清楚乜野叫做化妝:妳落咗妝我仲認得妳就叫化妝,妳落咗妝我唔認得妳果D就叫做悼妝.
37.男女之道-女人
我細嗰時有位阿叔就教我男女之道,其同我講:「子華,妳搞清楚,男人同女人主要唔同就系,三句金句,女人系乜嘢?女人就系吃飽乜乜乜乜乜瞓"....」
「吃飽乜乜乜乜乜瞓?系乜來架?...」
「我講緊女人就系得三樣嘢噶著,吃飽,乜乜乜乜乜,同埋瞓.我俾嗰貼士俾妳,所有女人都系雞,唔系講緊果啲雞,而系農場真嘅果啲雞,妳墊下,雞,吃飽同瞓之間做乜嘢?」
「...系喔,雞唔系尼頭吃飽果頭就瞓噶喔,壹日流流長,真系唔知其做乜嘢噶喔....」
「系啊,妳就系唔知其做乜嘢,好危險.」
38.男女之道-男人
「妳知嗎?男人最高嘅境界就系第三句金句,發達升官死老婆.妳冇聽錯?唔系話發達升官殺老婆,我系講緊壹句完美嘅女人就系當其地個男人發達有權有勢嘅時候,其識得自己忽然...死咗....嘿,妳地D女人做乜會忽然無端端死咗,尼啲妳屋企啲小事妳啲女人自己搞掂其啦.」
「阿世伯,真系好殘忍下喔...」
「懵個妳,我話妳聽,乜野叫做真正嘅殘忍,真正嘅殘忍-系發達升官陪老婆...」
(老婆):「老公妳終於發達啦,妳唔使咁多應酬啦,可以返黎陪我睇大長今啦!~~」
(老公):「...妳都癡線的,我發咗達為咗返黎陪妳睇大長今咩?我發咗達系為咗可以捉阿大長今返黎陪我啊.」
39.男人三不主義-不抗拒
男人只系能夠對壹個女人不抗拒,嗰個就系其啊媽.
啊媽問妳:「飲唔飲湯啊」...「是但啦」
「睇熱啊」...「熱啊?熱就唔飲啦」
系米好瀟灑呢?如果林誌玲邀請妳去其屋企妳系米都能夠咁瀟灑啊?
(林誌玲):「來我家好不好?」...「是但啦」
「但系我屋企好熱噶喔」...「咁啊?咁就唔黎嘞」
妳系米會咁?妳系會講是但,妳唔單止講壹次是但,仲會講幾次是但:「餵,誌玲,來妳家?是但啦」
「餵,旅行姐,即刻幫我訂張機票飛去臺灣.哎呀,乜野航空公司,是但啦...乜價錢喔,是但啦...乜窗口位走廊位都是但啦」...妳直情興奮到呢頭放低電話先至醒起...我米就系臺灣咯?妳買張機票由臺灣飛去臺灣.但妳唔理,妳第壹時間沖上林誌玲屋企.
林誌玲就系屋企問口等妳:「(普通話)哎喲,對不起了啊...就是呢啊...我今天啊...家裏呢那個冷氣啊...就是冷氣空調啊...就是呢壞掉了啊...就是家裏很熱啦...不如改天了啊...」
妳有三個選擇妳選邊個?A.破口大罵「妳啊什麽妳啊?」B.回頭就走.C.妳忽然之間識得整冷氣.
「我系隔離街搭飛機過黎,妳話俾我聽妳個冷氣壞咗?妳個核子反應堆我都識得整啊.(普通話)誌玲,有沒有士把拿?士把拿鏍絲批就搞定啦,搞定啦,這些核子反應堆都有反應啦.最主要我有反應嘛.」
40.男女分手
最奇妙嘅就系,男性同女性點解可以合得埋呢?但更加奇妙噶就系當其地分開嘅時候.因為好多時候其地分開,對方唔系死俾妳睇就系想妳死俾其睇.呢個時候妳先至發覺原來談情說愛其實同綁票勒索系無分別的...
「只系妳乖乖地留系度米無事咯...妳做咩要逼我著?...我都唔想啊」
41.老板與員工-1
阿森哥曾經昭我入辦公室,問我壹個問題,好難答,我都希望妳教下我點答,其問我:「阿子華,妳可唔可以話我聽,點解妳可以做得咁差嘅?」...妳點答?妳可唔可以老老實實咁答:「哦,小意思著,森哥,其實我可以做得差好多架,不過呢次有少少壓力,妳話如果毫無壓力系差呢壹方便我系公司系揾唔到對手.」
42.老板與員工-2
(老板):「有邊個認為自己做得好嘅,舉壹舉手」...無人舉手
如果阿森哥轉壹轉嗰問題系問:「有邊個認為自己應該加人工嘅,舉壹舉手,我即刻加俾妳」
300人600只手...做得好無人舉手,加人工嗰嗰舉手,「我系知道我做得唔好,但我更加知道我應該加人工.」只系話系壹個員工的心目中呢,表現同工資系應該脫勾嘅.無表現照出糧,有表現出4糧.咁公司米要拾笠?唔緊要,挪賠償.
43.老板與員工-3
各位老板妳地明唔明,點解妳要出糧俾我地?唔系因為我為公司做咗D乜,而系因為我為咗呢份工,我無為自己做咗D乜野.唔系因為公司得到D乜野,系因為我喪失咗D乜野.周潤發嗰金句系:「我唔見咗嘅野我要自己揾返」...壹個打工仔嗰金句系:「我唔見咗嘅野邊個幫我揾返」...所以妳每個月底俾我嗰份,唔系出糧,系賠償.有乜野分別?如果妳出糧俾我,我應該多謝妳.妳賠償俾我,妳應該同我講多聲:對唔住.
44.老板與員工-4
D老板成日對員工講:「挪個心出來會死啊?」
而D員工心裏都有句:「挪塊金出來使死啊?」